Қалалық «Esirtkisiz Elorda» жобасы аясында М. Тынышпаев атындағы Астана қаласының ALT көлік колледжінде психолог-мамандар тарапынан оқытушыларға арналған білім беру дәрісі өткізілді.
Іс-шара барысында мамандар жастар арасында әртүрлі тәуелділіктің алдын алу мәселелерін жан-жақты қарастырды. Студенттер арасындағы қауіп-қатер тудыратын мінез-құлық белгілерін ерте анықтау, психологиялық-педагогикалық қолдаудың тиімді тәсілдері, сондай-ақ қауіпсіз, қолайлы және денсаулықты сақтауға бағытталған білім беру ортасын қалыптастырудағы оқытушының рөліне ерекше назар аударылды.
Сонымен қатар қатысушыларға студенттердің физикалық және психикалық денсаулығына жауапкершілікпен қарауын қалыптастыруға, өмірлік дағдыларын дамытуға және жағымсыз әсерлерге төзімділігін арттыруға бағытталған заманауи тәсілдер мен практикалық құралдар ұсынылды.
Іс-шараның мақсаты — тәуелділіктің алдын алу мәселелері бойынша педагогтердің кәсіби құзыреттілігін арттыру және саналы таңдау жасай алатын, дені сау әрі әлеуметтік жауапты ұрпақты тәрбиелеудегі олардың рөлін нығайту.
