Кездесу барысында полиция майоры студенттерге заңнамадағы негізгі ережелерді, қоғамдық орындарда қауіпсіз жүріс-тұрыс қағидаларын, әкімшілік және қылмыстық құқықбұзушылықтар үшін жауапкершілікті жан-жақты түсіндірді. Жастар арасындағы құқықбұзушылықтардың алдын алу, құқықтық мәдениетті қалыптастыру және өз әрекеттеріне саналы көзқарас мәселелеріне ерекше назар аударылды.
Студенттерге қоғамдық тәртіп нормаларын сақтау, өзгелерге құрметпен қарау және басқа адамдардың құқықтарын бұзатын әрекеттерге жол бермеу қажеттігі еске салынды. Лектор қызметтік тәжірибесінен нақты мысалдар келтіріп, тәртіп пен құқықтық сауаттылықтың маңыздылығын атап өтті.
Мұндай профилактикалық іс-шаралар студенттердің құқықтық сауаттылығын арттыруға және жауапты азаматтық ұстанымды қалыптастыруға ықпал етеді.